Paris Saint Germain leh Italy goalkeeper Gianluigi Donnarumma leh a bialnu te chu Paris a an inah misual tu tih hriat loh rual khatin an bei tih France a report chuan a tarlang.
Misual tu tih hriatloh rual khat te chu July ni 20 zanlai khan Donarumma leh a bialnu te chênna in ah an lut ru a, thil hlu €5,00,000 man hu an lâk hnuin PSG goalkeeper leh a bialnu hi an phuar hlawm a, kut pawh an thlâk nual.
An mahni beitute’n in an chhuahsan fel hnuin Donnarumma leh a bialnu Alessia Elefante te chu an phuarhlawm-na atangin engtin tin emaw an tal chhuak thei hram a, tukin zinglam dar 3:20 ah an in hnaia hotel man to tak pan thleng in hospital lam an pan leh hma in hotel ah hian hun engmaw chen chhung an hliam te enkawl a ni nghe nghe.
Hotel a thawktu te chuan he thil thleng chungchang hi Police lam an hriattir thuai a, Police lam pawhin thil sual ti tute hi chhuizui nghalin tunah erawh han rinhlelh tur mai mi an la hmu/hre lo.
Paris Prosecutor Spokesperson chuan hetiang hian BBC a hrilh, “Mr Donnarumma chênna in a zankhat thil thua thleng inrawkna leh tharum thawha kut inthlakna thlentir tu misual rual khat te hi chhuizui mek anni” a ti.