Parc des Princes ah Lionel Messi a hlim lo

Tun season khelh mekah Paris Saint-Germain hi Ligue 1 hmahruaitu an la ni mek a. Parisians hian points 45 hlawh chhuak tawhin pahnihna dinhmun hauhtu Marseille aiin point 13 lai maiin an sang fal mek a ni.

Hetihlai hian Paris Saint-Germain superstar Lionel Messi chu Parc des Princes-ah a hlim lo niin thuthang a awm, a hlim loh chhan nia an sawi chu press atang sawisel a tawh vang niin an sawi.

Paris Saint-Germain lamin Barcelona midfielder lak luh an duh niin thuthang a awm bawk.

Paris Saint-Germain-ah Lionel Messi a hlim lo

Tun summer transfer lai khan Lionel Messi chuan PSG hi a zawm a, mahse, a zawm atang French Press atang sawiselna a dawn thin avangin a hlim lo niin El Nacional in a tarlang. Amah sawisel thin tu newspaper hi PSG newspaper niin Leo Messi chuan a ngai. PSG leh Newspapaer te hian inlaichinna tha tak annei niin an sawi a, hei vang hian Messi a hlimlo tiin an tarlang.

Lionel Messi’an PSG a zawm hnuah chet that chang nei mahse, beisei a phak lo em em a. UEFA Champions League lamah erawh a che tha ang reng hle. Mahse, Ligue 1 lamah erawh a che tha lova, league game 10 a khelh tawh atang goal 1 chiah ala khung thei rih a ni. Hei vang hian press lam atang sawiselna a dawng.

French media te chet chu a mah mah tawh niin Messi chuan a ngai. Ligue 1 goal khung lamah harsatna tawk mahse, Copa America winner 2021 hi PSG team tan a tangkai ang reng a, goal an khungna thenkhatah alo inhnamhnawih ve a ni.

PSG in Monaco 2-0 a an hneh tum pawh khan kum 34 a upa Lionel Messi chuan assist a nei a, mahse, rating 10 hmuh theih turah 4.5 chiah rating a hmu thei a ni.

French media Onzo chuan PSG tana Messi chet dan chungchang sawiin, Messi game khelh that loh chungchang an sawi hnuah, Kylian Mbappe’an PSG a chhan niin an sawi bawk. L’Equipe lam pawhin Messi hi rating 10 hmuh theih turah 4 chiah an pe ve a ni.

Source SL

Related Posts

error: Content is protected !!