Mizo Football

Ozil A Side Dream team-ah Players 5

Ozil A Side Dream team-ah Players 5

Germany international leh Real Madrid playmaker hlui Mesut Ozil chuan dream five A side team a thlang a, ram hrang hrang panga atangin player 5 a thlang.

Hriat angin Arsenal midfielder Ozil hi Arsenal manager Mikel Artete hnuaiah duh angin hmun a chang thei lova, 2020/21 Premiere League squad-ah a tello a ni.

Ozil hi Premiere League lamah hmu lo mah ila, season tan tirh atang khan social media lamah a active ang reng hle a, Arsenal lamin match an khelh lai te hian a live thin a, fans ten an ngaihsak hle.

2014 FIFA World Cup winner Mesut Ozil hian tunhnai lawk khan Twitter kal tlangin, five a side dream team a siam a, England, France Croatia, Italy leh Brazil atangin player pakhat theuh a thlang chhuak.

Ozil’an players 5 a thlan atanga 3 te chu alo khelh pui tawh te an ni hlawm a, Luka Modric pawh a tel, Ozil’an Arsenal a zawm hma season kha an khel dun hmana, season khat chhung an khel dun a ni.

A hnuaiah hian Mesut Ozil five-A-Side Dream team te ka rawn tarlang ve leh e.

Gianluigi Buffon (Italy)

Marcelo (Brazil)

Luka Modric (Croatia)

Karim Benzema (France)

Marcus Rashford (England)

Source SL

Please follow and like us: