Al Hilal star Odion Ighalo chuan Victor Osimhen an Manchester Uited zawm ngei se a duh. Osimhen hi tun hnaia player hot ber te zinga mi niin European club lian te awhrawn a ni mek.
Erik Ten Hag team Manchester United chuan Osimhen hi an beisei mek a, Wout Weghorst an a contract neihlai a hman zawh hunah Old Trafford a chhuahsan a rinawm a, Red Devils in striker thar lakluh an tum ang.
Manchester United chuan nipui transfer bazar inhawn hunah Tottenham Hotspur striker Harry Kane emaw Napoli striker Victor Osimhen an beisei dawn a, a tu emaw zawk zawk an lalut thei anih chuan an tangkai pui viau in a rinawm.
Osimhen ngei pawh hian Premier League chu khawvela league tha leh harsa ber a nih thu a lo sawi tawh a, engtik ni ah emaw a lo suangtuah fo thin Premier League a inkhel thei tura theitawp a chhuah nitin thin thu a sawi bawk.
Nigerian striker Idion Ighalo chuan a hnampuipa Osimhen an Man Utd zawm ngei se a duh thu hetiang hian a sawi, “Osimhen hi Manchester United team ah a khungrual chiah ka ring. A kal leh zel na turah ka lak atanga thurawn a la anih chuan Manchester United zawm ngei turin ka lo fuih ang a chhan chu ka tan chuan khawvela club ropui ber anih avangin” a ti.
Watford striker hlui Ighalo hian Saudi Arabia lam a pan hma khan Old Trafford ah thla 12 chhung hun a hmang ve hman a ni.
Osimhen hian 2025 thleng Diego Armando Maradona Stadium ah contract a la nei a, Napoli a chhuahsan dawn anih chuan a man a tlawm thei lovang. Napoli lam chuan an striker manah hian a tlem berah pound 100 million tal an phut dawn niin media te’n an tarlang bawk.
Kum 24 a upa Osimhen hian season kal mek ah Naples tan game 26 (all competition) a inlan atangin goal 21 leh assist vawi 3 a thawkchhuak tawh a, a team chu league ah pakhatna nih chho pui zel in an champion ngei pawh a rinawm.