Hriat angin 2020 Olympic Games chu Tokyo-ah neih a ni dawn a, July thla khian an tan ang. He tournament-ah hian footballer tha kan hmu nual dawn niin a lang. FC Barcelona leh Real Madrid atangin player 5 lai mai an tel a, France atang awhin an tel a ni.
France squad-ah hian 2018 FIFA World Cup winner Florian Thauvin kum 28 a upa pawh atel a, Real Madrid leh Manchester United midfield target Eduardo Camavin squad-ah hian a tel ve a ni.
Kum 18 a upa Angolan born star Camavinga hi Stade Rennes tan a che tha hle a, 2021/2022 season inbuatsaihna atan duhtu a ngah hle. France club lian Paris Saint-Germain pawhin lak luh an duh niin report in a tarlang.
Camavinga hi France boss Didier Deschamps hnuaiah match 3 a khel der tawh a, mahse, 2020 UEFA European Championship France final squad-ah hmun a chang ta lo a ni.
Olympic Games khel tur France squad ah hian Andre-Pierre Gignac kum 35 a upa pawh a tel a, Spain pawhin vawiin khan an squad a puang ve a, player tha tamtak an tel.
Barcelona player atangin Pedri, Oscar Mingueza leh an player thar Eric Garcia an tel a, Real Madrid player atangin Marco Asensio leh Dani Ceballos an tel ve bawk.
Engpawhnise, a hnuaiah Olympic Games a tel tur player tha 12 te kan rawn tarlang ve leh e.
Pedri (Barcelona)
Oscar Mingueza (Barcelona)
Eric Garcia (Barcelona)
Pau Torres (Villarreal)
Dani Ceballos (Real Madrid)
Dani Olmo (RB Leipzig)
Marco Asensio (Real Madrid)
Eduardo Camavinga (Stade Rennes)
Florian Thauvin (Tigres)
Andre-Pierre Gignac (Tigres)
Dani Alves (Sao Paulo)
Douglas Luiz (Aston Villa)
Source SL