Zanin Premiere League match Watford leh Manchester United khelhah Watford lamin 4-1 lai maiin hnehna an chang a, Ole Gunnar Solskjaer tan pressure a sang leh sawt dawn niin a lang.
Premier League
Result: Watford 4-1 Manchester United
Date: 20 November 2021
Venue: Vicarage Road
Ole Gunnar Solskjaer hian Manchester City an hneh loh tuma a squad a thlak danglam hret a, player pathum a thlak, Marcus Rashford, Jadon Sancho leh Nemanja Matic te chu start tir a ni. Hetihlai hian Mason Greenwood erawh COVID 19 a positive avangin a chawl.
Zanin zet zawng Watford lam an che tha hle minute 8 naah penalty an hlawhchhuak nghal a, mahse, Ismaila Sarr chuan vawi 2 lai pet nawn mahse, Manchester United goalkeeper David de Gea’an alo dan sak ve ve a ni.
Pressure sang tak hnuaia awm mek Manchester United lakah Watford lam hian tlawm an tum lo nasa mai, half time hmain Joshua King chuan Emmanuel Dennis pass tha tak hmangin goal khatna a khung.
First hal-ah hian Watford lam an che tha hle a, Red Devils lam an che hman meuh lo first half tawp lamah Sarr chuan penalty pet goal loh aiah goal khat a rawn khung leh 2-0 in hma an hruai.
Ole Gunnar Solskjaer chuan second half tan rualin Scott McTominay leh Rashford la chhuakin Anthony Martial leh Donny van de Beek te a luhtir nghal. Van de Beek hian minute 5 hnuah goal a khung nghal a, hei hi C Ronaldo’an a lu hmanga a siam a ni.
Manchester United defender Harry Maguire chuan yellow card vawi 2 a hmuh hnuah red pek niin chhuahtir a ni.
Watford substitute atanga rawn lut Brazil rawlthar Joao Pedro chuan goal 3 na a rawn khung a, hun tawp dawn tepah Dennis’an goal 4 na a rawn khung ve leh a ni.
Steven Gerrard’an Aston Villa hnehna a chan pui nghal.
Aston Villa chuan an manager thar atan Liverpool captain hlui Steven Gerrard an ruat a, Premiere League game khat a khelh puinaah hnehna a chan pui nghal a ni.
Aston Villa hian Brighton an mikhual a, 2-0 in hnehna an chang Aston Villa atang Watkins leh Mings’an goal an khung, hun tawp dawn tepa an khung ve ve a ni.
Steven Gerrard hian 4-3-3 formation a hmang.
Source SL