Ole Gunnar Solskjaer chu a ram Norway lamah a kir hnai niin an sawi a, a ram lamah a kir chuan Norway National team a enkawl dawn niin report hrang hrangin an tarlang.
Kan hriat angin Pathianni Premiere League match khelh takah Manchester United chuan Watford hmachhawnin, 4-1 lai maiin an tlawm a, hemi hnu lawkah Manchester United lamin Ole Gunnar Solskjaer hi an ban ve nghal a ni. Ole hian thla khat dawn tep result tha reng reng a hlawhchhuah pui theilo.
Manchester United in Jose Mourinho an ban lai khan interim coach angin kum 48 a upa Ole Gunnar Solskjaer hi an ruat a, thla 3 chhung vel a chet that pui em avangin full time in an chhawr chhunzawm ta a ni.
Ole Gunnar Solskjaer hian a hmain Cardiff City alo enkawl tawh a, kha tih lai khan Premiere League atangin a relagate pui nghe nghe. Norway lamah Molde enkawl lehin League titles 2 lai a chawi pui thung.
Cardiff manager ni tur chuan fans lam an tim deuh tawh niin a lang a, Norway National team enkawl tura rinkai ber a ni mek.
Betfair tarlan dan chuan Solskjaer hi National football dederation lamin an chhawr dawn niin an tarlang a, Norway in World Cup an khelh theih dawn loh avang pawh hian Norway coach ni tura rinkai ber a ni.
Norway coach Stale Solbkken hian World Cup Qualifying group-ah khan Netherlands kha hneh ta se chuan group hmahruaitu anni thei dawn reng a, mahse, 2-0 in an hneh lo hlauh, playoffs pawh an khel pha meuh lo a ni.
Kum 1998 atang daih tawh khan Norway hian FIFA World Cup an khel tawh lo, mahse, tunah chuan player tha Erling Haaland leh Martin Odegaard te an kawl tawh a, hmalam hunah khelh theihna chance an nei sang deuh niin a lang.
Ole Gunnar Solskjaer’an Molde FK a enkawl hmasak bernaah Norwegian league title a chawi pui nghal a, hei vang hian Norway coach nih theihna chance a nei sang hle.
Source SB