Mizo Football

Old Traford-ah United leh Wolves inhneh tawk

Old Traford-ah United leh Wolves inhneh tawk

Manchester United chuan Sporting Lisbon atangin pawisa tham tak insengin Bruno Fernandes chu an la lut a, mahse, United tana a game hmasa berah duh angin che tha hlei thei lova, a langsar vak lo.

Ningani khan United lamin Bruno hi la lut chauh mahsela, Line-up ah telh nghal niin, Ole hian Juan Mata leh Andreas Pereira te start tirin Nemanja Matic erawh chawlh a tir thung.

Fernandes’an boruak nei lian viau mahsela, an home-ah Man United lam an che tha hlei thei lova, inkhelh bul tanna lamah phei chuan Wolves lamin goal an khung teuh thei hle zawk a ni.

Old Traford-ah Wolves an che tha viau a, minutes 35 na velah Adama Traore’an kawh tak maiin goal a shot a, goal-ah a lut teuh hle. United player lei thar Bruno Fernandes pawhin box kil pawn lam atangin goal a shot a, mahse, goal-ah a lut lo hlauh. First Half-ah United lam pawh an che tha pangai viau.

Second half-ah pawh Wolves an hlauh viau mai a, minutes 68 naah Wolves lam atangin Raul Jimenez an ti goal teuh hle mahse goalkeeper David de Gea chuan United a chhan thei hram.

Wolves leh United te hi second half-ah chuan an innawr tawn zak zak a, goal pawh an khung teuh thei hle, mahse, Old Traford-ah point khat ve ve an hlawh chhuak thei a ni.

Result: Manchester United 0-0 Wolverhampton Wanderers

Date: 01 February 2020

Venue: Old Trafford

Please follow and like us: