2021/22 season Premiere League tanna turin thla khat leh a chanve vel a la awm a, player 7 ten Premiere League an chhuahsan der tawh a, ramdangah team thar tan an sign tawh a ni. Chhuak zingah hian Manchester City star pathum lai an tel.
English league sang ber Premiere League khelh theih hi footballer tamtak te duhthusam a ni thin a, mahse, chhan hrang hrang avangin star thenkhatte chu league atangin an chhuak thin. English Premiere League hi khawvel league harsa pawl tak anga sawi thin a ni bawk.
Sergio Aguero pawh Premiere League-ah Man City tan kum 10 chhung teh meuh mai a khelh hnuin, a chhuahsan a, tunah hian Spain lamah Barcelona-ah a career a chhunzawm leh dawn a ni. Man City lama a teammate hlui Eric Garcia pawh England-ah kum 4 chhung hun a hman hnuah Catalan club lamah a kir leh a ni.
Rawlthar centre back Garcia hian kum 2017 khan Blaugrana academy atangin Citizens hi a zawm a, mahse, Aguero ang thovin Premier League a chhuahsan hnuah free agent in Barcelona senior team a zawm tawh a ni.
Kum 24 a upa left back Angelino pawh 2020/21 season chhung RB Leipzeig lamah loan a hun a hman hnuin, Bundesliga lamah a insawn a ni.
Premiere League in Netherlands captain Georginio Wijnaldum pawh an chan a, Liverpool lamah kum 5 chhung teh meuh mai hlawhtling takin hun a hmang a ni. Trophy 4 a chawi pui hman a, tah hian League title leh UEFA Champions League nomawi pawh a tel.
Engpawhnise, a hnuaiah Premiere League chhuahsan tawh player 7 te kan rawn tarlang ve leh e.
Sergio Aguero (joined Barcelona after leaving Manchester City for free)
Eric Garcia (joined Barcelona after leaving Manchester City for free)
Georginio Wijnaldum (joined Paris Saint-Germain after leaving Liverpool for free)
Angelino (has joined RB Leipzig from Manchester City)
Juan Foyth (has joined Villarreal from Tottenham Hotspur)
Victor Moses (has joined Spartak Moscow from Chelsea)
Mbwana Samatta (has joined Fenerbahce from Aston Villa)
Source SL