Arsenal legend Patrick Vieria chu Premiere League club Crystal Palace lamin an coach atan an ruat.
Frenchman Vieria hian Ligue 1 club Nice chu kum 2 chhung a enkawl hman a, mahs, kum 2020 khan club a chhuahsan.
Chawlh a lak hnuin Patrick Vieria chuan kum 3 chhung atan Premiere League club Crystal Palace-ah contract a sign a, Crystal Palace manager hlui Roy Hodgson’an club a chhuahsan hnuah an coach lak leh hmasa ber a ni.
“Premiere League lama kir leh theihna huntha ka nei hi ka lawm tak zet a, he football club ropui tak enkawl tura ka tling hi ka lawm hle bawk. Kan tan chapter thar a intan ve ve a ni.” tiin Crystal Palace manager thar Patrick Vieria chuan a sawi.
“He project hian min hip hle, Chairman leh Sporting Director te nen kan inbe tam a, club duhdan leh plan an neih ang te kan sawi nasa. Academy lam chungchang pawh kan sawi a ni. Premiere League lamah hunrei tak an awm hnu hian, club in lungphum/nghahchhan tha tak a nei a. Hmasawn belh zel turin ka beisei.”
“Club supporter te chungchangah pawh experience ka nei tawh a, hei vang pawh hian ka hlim hle. Supporter te hi eng tiang chiahin nge team tan an pawimawh tih ka hria.” tiin a sawi bawk.
Source Sl