Tunah chuan Euro 2020-ah chauh ngaihtuahna ala awm mek a, hetihlai hian Premiere League club lian Manchester City leh Liverpool chuan an player chhuak hlen tur an puang.
Manchester City leh player tha tamtak sawi zawm ni mahse, season thar inbuatsaihna tur atan player thar an la lut rih lova, mahse, an player pahnih Sergio Aguero leh Eric Garcia chu an chhuahtir der tawh.
An player pathumna chhuak tur chu Jack Harrison niin Premiere League club Leeds United chu a nghetin a zawm dawn tih an puang. Harrison hi loan in Leeds lamah hian a khel a, a che tha ang reng hle, hei vang hian a nghetin lak an tum ta a ni.
Liverpool lam pawhin an player chhuak tur an confirm ve bawk a, an goalkeeper Kamil Grabar chuan Danish club FC Copenhagen chu a nghetin a zawm a ni.
“Kamil Grabara chuan FC Copenhagen chu a nghetin a zawm ta” tiin Reds chuan an confirm.
Source SL