Official – Dani Alves chu Europa League squad-ah telh a ni lo

Spanish club lian FC Barcelona chuan an full back Dani Alves chu UEFA Europa League khel tur squad-ah an telh lo.

Dani Alves hi Spanish Barcelona tan SPanish competion ah chiah a khel dawn a, European inelnaah erawh a khel dawn lo a ni.

Catalan club lian FC Barcelona chuan tun January transfer window-ah hian UEFA regulation angin player 4 chauh an la lut a, Barcelona manager Xavi Hernandez chuan a teammate hlui Dani ALves aiah a lak luh thar Pierre-Emerick Aubameyang, Adama Traore leh Ferran Torres te a thlang ta zawk a ni.

Marca in a tarlan dan chuan Juventus player lui Dani Alves telh loh chhan pakhat chu right back ah Sergino Dest, Oscar Mingueza, Ronald Araujo leh Sergi Roberto te anneih vang niin a tarlang.

Xavi hian La Liga lamah a rilru a pek tam deuh a ngai dawn a, a chhan chu season thar UEFA Champions League match khel thei ngei turin a inbuatsaih dawn a ni.

Kan hriat angin FC Barcelona chu Champions League group stage atang an tla a, hei hi kum 21 chhunga an tawn vawikhatna a ni. An group ah Bayern Munich leh Benfica ten hma hruaiin, an tlang ta zawk a ni.

2003/04 hnuah a vawikhatna atan FC Barcelona chuan Europa League football an khel dawn ta a, Barcelona chuan knock out games hmasa zawkah Napoli an hmachhawn ang.

Source SL

Related Posts

error: Content is protected !!