European champions Chelsea chuan an player hlui Romelu Lukaku chu Premiere League lamah an la lut leh a, an inremna man hlut zawng hi Euro maktaduai 115 (€115million) lai a tling niin report in a tarlang.
Serie A club Inter Milan lamah kum 2 vel hun a hman hnuah Romelu Lukaku chu Chelsea chuan kum 5 chhung atan an la lut a, Lukaku hi Chelsea in 2021/2022 season atana an player lak luh pahnihna a ni, a man hi Euro maktaduai 115 vel a ni a, Chelsea player lak luh tawha man to ber pakhat a ni.
Welcome home, @RomeluLukaku9. 💙#LukWhosBack pic.twitter.com/P43CAIVqfU
— Chelsea FC (@ChelseaFC) August 12, 2021
“Romelu Lukaku hi khawvel striker leh goal khungtu tha ber pakhat a ni a. A club hmangaiha a rawn kir leh hi kan lawm hle, a talent neih te Champions League squad-ah kan belh dawn a ni.” tiin Blues director Marina Granovskaia chuan club official website a hrilh.
“Season hmasaa kan hlawhtlinna te kha kan siam tha zel dawn a, kan target kan thlen theihna turin Lukaku pawh role pawimawh tak a nei ang, Chelsea fans zawng zawng ten Romelu hi min lawmpui ngei ka ring a ni.” tiin a sawi bawk.
Engpawhnise, a hnuaiah hian Chelsea player man to zual te kan rawn tarlang ve leh e.
5 – Christian Pulisic – €64million
4 – Alvaro Morata – €66million
3 – Kepa Arrizabalaga – €80million
2 – Kai Havertz – €88million
1 – Romelu Lukaku – €115million
Source SL