Marcus Rashford chuan Manchester United tan season bul a tan pui thei dawn lo niin report in an sawi. England forward hian a koki/dar ah hliam a nei a, hunrei tak chhung chu alo tuar tawh a, mahse, tunah chuan heng a harsatna neih te chu zai a, tih that an tum niin an sawi bawk.
Manchester United tan tha taka a chet hnuah, Rashford chuan Euro 2020, England tan a fehchhuak ve leh a ni. England in final an luh hnuah, Italy nen penalty shootout an neih tumah khan Rashford hian a pet goal lo hlauh mai.
Penalty a pet goal loh avang khan Rashford chungah nasa takin inhmusitna tih lan a ni, fanbase atang pawhin hmusitna tawngkam a lang nghe nghe.
Manchester United official twitter account chuan Marcus Rashford an tan zia leh hero a nih zia an pholang.
The love for you will always win.
— Manchester United (@ManUtd) July 13, 2021
You're our hero, @MarcusRashford ❤️#MUFC pic.twitter.com/duvXi6qjCM
Marcus Rashford zai ani dawn
Marcus Rashford hian a taksa mai piah lamah rilru lamah pawh harsatna a tawk nasa a. A koki/dar ah hliam nei chungin a ram England tan duty tura ruat tho a ni. Euro 2020 a England tan a khelh thenkhatah pawh khan na chunga a khelh a tam hle niin an sawi. Mahse, tunah chuan zai a ni tawh ang.
An zai hun tur chhung hi kar 2 an mamawh dawn a, chuan kar 12 dang a damna turin a mamawh dawn bawk. October thla tawp lamah chuan alo kir theih rin a ni.
Manchester United tan Marcus Rashford awm loh a pawi thei
Marcus Rashford hi Manchester United thiampuipa ti ila kan sawi sual zawm love. Positions pakhat ai tamah a khel thei a, Red Devils tan key player a ni.
Season khelh zawh takah khan Manchester United chu Premiere League-ah pahnihna dinhmun an hauhva, Ole Gunnar Solskjaer chuan tun season nomawi lak pui ngei a tum viau dawn a ni.
Mahse, Marcus Rashford’an hliam nei mahse, Jadon Sancho an lak luh hi United tan chuan thil tha lutuk mai a ni. Manchester United tan season bul a tan pui thei anga, hmasawnna an hmuh ngei a rinawm.
Source Sportskeeda