Mizo Football

October Premiere League Power Rankings Top 10

October Premiere League Power Rankings Top 10

Premiere League an tan leh hnuah clubs thenkhatin matchs 4 an khelh tawh laiin, thekhatte chuan matchs 3 chauh an la khel. Season thar tan a nih leh hnuah game a hmuhnawm thei hle a, goal pawh a lut tam tawh hle.

Players che tha tura rin vak loh te pawh an che tha hle a, hetihlai hian che tha tura rinkai players thenkhatte erawh duh angin an la che tha hlei thei lo.

Sportskeeda chuan October Premiere League Power Rankings top 10 an tarlang a, kan rawn tarlang ve leh dawn a ni.

10 Alexandre Lacazette

Alexandre Lacazette

Alexandre Lacazette hi tun summer transfer window khan chhuak tura rinkai ber pakhat a ni. A chhan chu Pierre-Emerick Aubameyang chu goal khungtu bera hman kha Arsenal lamin an rilruk. Mahse, season thar tan leh a nih hnuah a rawn che tha chho hle.

Premiere League season thar an tan leh hnuah Lacazette hian games 3 atangin goals 3 a khung tawh a, minutes 79 a goal khung ang zel a la ni mek.

9 Callum Wilson

Callum Wilson

Premiere League atang Bournmouth an relegate avangin Wilson hian Newcastle United a zawm a, games 4 an khelh tawh atangin goals 4 a khung der tawh, hei mai a nilo, assist pawh a nei tawh bawk.

1995-96 hnua Newcastle a player bikah Premiere League games 4 khelh tawh atanga goal 4 khung thei hmasa ber a ni nghe nghe. He record hi 1995-96 khan Les Ferdinand chuan a lo siam tawh a, Newcastle United boss Callum Wilson hian a hmanngaih viau dawn niin a lang.

8 Mateusz Klich

Mateusz Klich

Mateusz Klich hi Wolfsburg lama Kevind de Bruyne teammate hlui a ni, Premiere League a midfielder tha ber pawl a ni mek. Leeds United boss Marcelo Bielsa hnen atanga fakna tawngkam dawn hi a awlsam lo hle a, mahse, ani hian a dawng der tawh, a dawn zel a rinawm.

Midfield-ah khel mahse, tunah hian Premiere League goals 2 a khung a, assist vawi khat a nei mek.

7 Mohamed Salah

Mohamed Salah

Aston Villa in 7-2 lai maia Liverpool an hneh tum khan Liverpool tana goal 2 hi Mohamed Salah khung a ni.

Leeds United nen an khelh tum pawh khan hattrick a siam a nih kha. Games 4 an khelh tawh atangin goals 5 a khung mek.

6 Jamie Vardy

Jamie Vardy

Leicester City forward Jamie Vardy hi kum 33 a upa a ni tawh a, mahse, a kum upatna a la hriat loh hle, Foxes tan Premiere League games 4 an khelh tawh atangin Vardy hian goals 5 lai a khung mek. 5-2 lai maia Manchester City an sawp tum khan Vady hian hattrick a siam a ni.

5 Jack Grealish

Jack Grealish

Jack Grealish hi Premiere League players tha ber pakhat a ni mek. Season bul a tan tha leh khawp mai, tunah hian games 3 chauh khel rih mahse, Premiere League table-ah pahnihna dinhmun an hauh mek. Games 3 an khelh tawhah hnehna an la chang vek.

7-2 Liverpool an sawp lai khan Jack Grealish hian goals 2 a khung a, assist 3 lai a nei bawk.

4 Dominic Calvert-Lewin

Dominic Calvert-Lewin

Season hmasa lamah pawh khan a che tha ang reng hle a, mahse, season thar tan a nih leh hnuah a che tha leh hle. Carlo Ancelotti hnuaiah hma a sawn hle a, tunah hian Premiere League goal khung tam ber a ni mek.

Everton in games 4 an khelh tawh atangin goals 6 lai a khung tawh a, tunah hian Everton chu Table-ah pakhatna dinhmun an hauh mek. Kum 23 a upa chauh a la ni a, hmalam hun eng tak a nei mek.

England senior team tan a game hmasa ber a khelhnaah goal a khung nghal a nih kha.

3 James Rodriguez

James Rodriguez

James Rodriguez hi Everton lamah hma a sawn hle. Real Madrid lamah duh angin a che tha hlei thei lo. Mahse, Real Madrid leh Bayern Munich lo enkawl tawhtu Carlo Ancelotti chuan Everton lamah a la lut.

Everton tana a khelh hnu hian a che tha hle, games 4 an khelh tawh atangin goals 3 a khung tawh a, assists vawi 2 a nei bawk.

2 Son Heung-Min

Son Heung-Min

Season tin deuh thaw Son Heung Min hi a che tha thin a, tun season pawh season bul a tan tha leh khawp mai, games 4 an khelh tawh atangin goals 6 lai a khung tawh a ni.

1 Harry Kane

Harry Kane

Season bul a rawn tha leh khawp mai, games 4 an khelh tawh atangin goals 3 a khung tawh a, assist 6 lai a nei tling a ni.

Source Sportskeeda

Please follow and like us: