Chelsea leh Arsenal forward hlui Willian chuan free agent in Nottingham Forest a zawm dawn.
BBC Sport chuan Forest in Willian an lakluh hnai thu a tarlang a, player tawnhriat ngah in Forest a zawm tur hi club tan chuan signing tha anih a rinawm.
Kum 34 a upa hian season hmasa khan Fulham tan inelna hrang hranga game 30 a inlan atangin goal 5 leh assist vawi 6 a thawkchhuak a, a kum lam uaithla ve deuh tawh mahse team player pawimawh a ni phak. Fulham lam chuan Brazilian forward hi la chelh zel duh in contract thar zawrh ve bawk mahse an contract thar zawrh ah Willian hi a lungthlu zan lova, chuvanga Fulham chhuahsan tura thutlukna siam ta niin report chuan a tarlang.
Chelsea forward hlui hian free agent in Nottingham Forest a zawm dawn a, kumin nipui bazara Forest player lakluh hmasak ber a ni bawk ang.
Forest hian kumin pre season ah Notts County, Valencia leh Levante te an hmachhawn dawn a, 2023-24 season a an league game hmasa berah Mikel Arteta team Arsenal an hmachhawn bawk ang.
Nottingham Forest hian season hmasa khan Premier League ah 16-na niin season an khar fel a, an relegate teuh hle nghe nghe anih kha, Season tharah Steve Cooper-a nau te hi chak zawka lo kir ngei an tum dawn a ni.