Nigeria thlang lova England tana khelh ka thlan zawk chhan – Bukayo Saka

Mizo Football

Arsenal attacker tha tak mai Bukayo Saka chuan Nigeria tana khel lova, England tana khelh a thlan zawk chhan a sawifiah.

Kum 19 a upa Bukayo Saka chu England tana khel turin tun thla tir khan a vawikhatna atan an kova,  Ningani (Thursday) a Wales nen an khelh tum khan England tan a game hmasa ber a khel ve a ni.

Saka nu hi Nigeria a ni a, Super Eagles (Nigeria) tan pawh a khel thei a ni, mahse, Nigeria tan khel thei mahse, Three Lions (England) a thlang zawk a, a thlan chhan pakhat chu hmalam hun a ngaihtuah vang a ni.

“Nigeria pianken (heritage) ka neih ve avangin ka inchhuang ve hle chuan ka hria” tiin Gunners winger Bukayo Saka chuan Sky Sports a hrilh.

“Khawihmunah pawh awm mah ila, Nigeria games ka en hram hram thin, che tha zel turin duhsakna sang ber ka hlan a, anmahni chu ka tan hle”

“Mahse, ka hmuh danah chuan England hi an inthlak danglam hle a, hmalam hunah thil ropui tak an ti thei ngei dawn tih ka ring. England thlan zawk chu ka tan a tha ber dawn niin ka hria”

“Ka pa hi hetah (England) ah a piang a, ka nu erawh Nigeria-ah a piang. Mahse, an pahnihin Nigeria lama seilian an ni a, Nigeria lama intawng an ni bawk.”

“A bik takin ka football career-ah hian ka pa in min puih nasa em em a, nitin training naah min thlah a, darkar 2 chhung training naah a awm ve thin, ka tana an tih zawng zawng avang pawh hian ka nu leh pa chungah ka lawm tak zet”

Source SL

Please follow and like us: