Mizo Football

Neymar’an PSG lama lut turin Sergio Ramos a sawm

Neymar’an PSG lama lut turin Sergio Ramos a sawm

Neymar chuan Real Madrid captain Sergio Ramos hnenah French club lian Paris Saint-Germain i zawm chuan, kei leh Kylian Mbappe hian PSG lama contract kan neih chu kan pawtsei ang tiin a sawi.

Kan hriat angin Sergio Ramos’an Los Blancos lama contract a neih hi tun season zawh rual hian a zo ve dawn a, kum 34 a upa Ramos hi duhtu an awm a nih chuan January transfer window inhawn hunah pre-contract a sign pui theih dawn a ni.

Paris Saint-Germain nen sawi zawm a nih chungchangah, Neymar chuan Ramos chu Paris lama lut turin a thlem niin reports in an tarlang.

“Sergio, Paris Saint-Germain tan i sign a nih phawt chuan, i sign ni la la in ka contract ka renew ang, mahse, ka dawtah, thil engemaw a thleng ve leh ang, tuemaw in a contract neih a renew ve leh ang, Kylian Mbappe hian” tiin Neymar chuan Ramos a hrilh niin El Chiringuito’s Afredo Duro a hrilh.

“Paris Saint-Germain lamah i lo lut a nih chuan, a tlem berah European Cups pahnih tal kan chawi ang”

Hetihlai hian El Larguero lamin Ramos leh Los Blancos te chuan contract renew chungchangh an inrem thu an tarlang ve bawk a, a contract neih a renew a nih chuan, season 2 chhung atan a renew ang tiin.

Kum 2005 atang khan Sergio Ramos hi Santiago Bernabeu lamah hun a hmang tawh a, trophies pawh 22 lai a chawi pui mek a ni, tun season-ah hian chawi leh thei tak ang maw?

Source SL

Please follow and like us: