Paris Saint-Germain leh Brazil star Neymar chuan football khawvela a aia thiam a tih footballer tha 5 hming a sawi.
Brazilian forward Neymar hi khawvel footballer skil nei tha tak pakhat anga hriat a ni, a tumpui thenkhatte pawhin a chet dan chu chaltlai an lo ti thin reng tawh a ni, hei ball a thiam vang leh skill a neih that vang a ni.
Neymar chuan tunlai footballer-ah thiam ber pakhat a nih a inring a, mahse, a aia thiam footballer an awm a, heng ho chungah hian a indah theilo a ni.
Oh my Goal chuan tunhnai lawk khan interview an neih pui a, Neymar chuan a aia tha player te sawiin FC Barcelona lama a teammate hlui Lionel Messi leh Eden Hazard hming pawh a sawi, player dang hming pawh a sawi tel a ni.
“Khawvelah hian player inngaitlawm tamtak an awm a, answer hi ka pe thei dawn em tih ka hrelo. Tunlai football kkhawvelah player thiam ber pakhat angin ka insawi.” tiin Brazil star chuan a sawi.
“Messi, Marc Verratti, Eden Hazard, Kevin De Bruyne te zingah ka tel lo, kei aiin an thiam vek, Thiago Alcantara pawh a tel” tiin a sawi bawk.
Tunah hian Neymar chu a ram Brazil tan 2021 Copa America a khel mek a, Messi ram Argentina nen final an khel ang.
Source SL