Neymar Nih Hin Ka Palh Tiah Chim selaw, Barca ah Rak Kir Than Ko Se – Lionel Messi

Neymar cu FC Barcelona lei ah a kir tthan lai timi kong ah captain Lionel Messi nih cun aluanci 2017 kum i Barcelona a chuahtak ruang ah ngaihthiam hal se law Camp Nou lei ah rak kir tthan ko se tiah a chim.

Kan thei bantukin Neymar nih cun aluancia kum 3 ah khan Barcelona a rak chuah tak, mah a chuahtak lio zong ah khan Lionel Messi nih cun a rak tanh lo ngai i, Barcelona chuahtak ding ah cun a rak sian lo ngai.

Advertisement

Paris Saint-Germain lei i aa tthial lio ah khan Neymar cu vawlei cung player man tam bik a rak si. Nain, Spanish club ngan Barcelona a chuahtak ruang ah aa ngaichih tiah media tampi nih an rak ttial.

Naite interview an tuahnak ah Messi nih cun Neymar cu Barca lei ah rak kir tthan ko se, a rak kir tthan hi ka duh ngai tiah a chim i, 2017 kum i Barca a chuahtak ruang ah khan ngaihthiam hal ko se tiah a chim chap.

Advertisement

“Neymar hi vawlei cung player ttha bik pakhat asi, Barcelona lei i a rak kir tthan hi ka duh ngai” tiah Messi nih Sky Sports a chimh.

“Neymar hi Barcelona lei ah rak kir tthan taktak a duh ngai ko cun ka thei, a tuahmi ruang ah ngaihthiam hal se law, rak kir tthan ko se, nain a har ngai ko la”

Advertisement

“A rak kir tthan ding asiah cun, ngaihthiam hal hi a biapi bik ah ka chiah” tiah Messi nih a chim chap.

PSG caah Neymar nih hin puai (matchs) 77 a chuih cang i, kawl 67 bak a khumh cang i, assists zong 39 bak a ngei cang.

Advertisement
Advertisement

Next Post

Duh aiin City Players ten Awards kan dawng tlem, City chungah Zahderna an lan tir lo - Raheem Sterling

Fri Feb 21 , 2020
Raheem Sterling chuan Manchester City’s players te chuan lawmman dawn an phu viau a, mahse an dawng lo, Manchester City […]