Tunkar tawp hian Argentina leh Brazil chuan Copa America 2021 final an khel dawn a, hemi chungchangah Brazil superstar Neymar chuan final an khelh hunah Messi nena an inthianthatna chu dah that rih a ngaih thu fiamthuin a sawi.
Copa America final khel tur Argentina leh Brazil hi Pathianni zingkarah an khel dawn a, Lionel Messi leh Neymar hian an career-ah an ram tan nomawi vawikhatna tur chawi an tum ve ve dawn a, game hmuhnawm tak a nih ngei a rinawm.
Brazil in Kum 2019 Copa America nomawi an chawi tumah Neymar hi a khel lo a nih kha. Hetihlai hian Lionel Messi pawhin Copa America final vawi 3 lai lut tawh mahse, hnehna ala chan pui theilo, tun tumah hian hnehna a chan pui thei a nih nghat chuan Argentina tana a vawikhat nomawi chawina tur ani dawn a ni.
Final an khelh tur chungchanga Neymar chuan thusawina neiin, FC Barcelona lama a teammate hlui Messi chu fakin, he final avang hian an inthian thatna a chhiat phah thei niin fiamthuin an sawi bawk.
“Englai pawha ka sawi thin chu, football khel ka hmuh tawh zawng zawng zingah chuan ala tha ber a, thian ropui tak a ni bawk” tiin Neymar chuan a sawi niin AS in an tarlang.
“Mahse, tunah chuan final kan khel tawh dawn a, kan elpui ber te anni ang. Hnehna chan ka duh a, ka duh tak zet, hei hi Copa America nomawi ka chawi hmasak ber tur ani thei dawn.”
“Messi pawhin kum tamtak ram tana trophy chawi alo tumna chu tih hlawhtlin ngei a duh ang. Mahse, Brazil hian englai pawhin Copa Tournament final kan khel reng bik lo. Duhsakna sang ber ka hlan a ni.”
“2014 FIFA World Cup final Germany nen an khelh tum pawh khan hetiang chiahin duhsakna ka lo hlan tawh”
“Tunah chuan Brazil in kan inthianthatna karah buaina a rawn thlen ta, kan inthianthatna pawh dah that a ngai rih a, a ti chhe thei bawk. Kan pahnih hian kan inzah hle, mahse pakhat chauh chak theihna a ni si” tiin Neymar chuan nui chungin a sawi.
Source Sl