Paris Saint-Germain superstar Neymar leh social media lama mite duh tak Bruna Biancardi chu an indate niin report in an tarlang. Anni pahnih hi Ibiza lama chawlh an hmannaah hmuh dun anni a, an titi a kal viau niin a lang. The Sun in an tarlan dan chuan kum 29 a upa Neymar hi a Brazillian chhelo zet nen hian party Island of Spain ah hun ala hmang mek niin an tarlang.
Tun hnai lawk khan Neymar chuan Instagram lamah a thiante nena an thlalak a post a, tah hian FC Barcelona lama a teammate hlui tunah PSG player thar ni ta Lionel Messi leh Angel Di Maria, Marco Verratti leh Leandro Paredes te nena an thlalak chu a post a ni.
Report in an tarlan dan chuan Ibiza ah Neymar hian a thiante hnenah Bruna Biancardi hmelhriattirna a nei niin an tarlang. Bruna Biancardi hian Leo Messi nupui Antonela Rocuzzo thla a lak pui nghe nghe, an pahnih a thlalak dunna hmuh tur a awm.
News Agency AS chuan, Messi leh a nupui Rocuzzo hian kar hmasa lamah khan dinner an buatsaih niin an tarlang a, Di Maria kawppui Jorgelina Cardoso pawh a chhe lo hle. Midang ho te pawhin an kawppui te theuh an hruai ve niin an sawi.
Bruna Biancardi hian Instagram lamah a thlalak nalh tak mai, kawr var a hakna a post a, a background pawh a nalh ang reng hle. Hemi ni vek hian Neymar pawhin Instagram lamah a thlalak a post a, Bruna Biancardi background ang tho a ni. Hei hian an inkarah thil a awm tih chu a ti chiang hle.
Neymar pawhin Bruna Biancardi background ang thovin thlalak a post ve.
Neymar leh Bruna Biancardi relationship hi vantlang hriatah puan la ni rih lo mahse, an inngaizawng tih chu a chiang hle. A hnuaiah an thlalak thenkhatte kan rawn tarlang ve leh e.
Source SL