Paris Saint Germain president Nasser Al-Khelaifi chuan Brazilian forward Neymar Jr hma hun chungchanga sawi theih a neih loh thu a sawichhuak.

Kum 30 a upa Neymar hian tun nipui bazar ah Ligue 1 club chhuahsan a tum niin media tam tak te chuan an tarlang a, amaherawhchu Barcelona forward hlui hian a hma hun chu tun hnaia an kawmna ah sawichhuak in,”Season thar pawh Paris ah tho ani ang. PSG ah hian contract ka la nei a, duhthlan tur dang a awm chuang lo” a ti.

Chutihlaiin PSG president Al-Khelaifi erawh in season thar atan squad thawmthat an tum nasat thu leh player chhuak tur pawh an awm thu Marca chanchinbu a hrilh.

Al-Khelaifi chuan an forward chungchang sawiin,” Season thar atan Neymar hi kan plan ah a la tel nge tel lo maw? Ka hre thei mai bik lo a chhan chu player tha tak tak te’n Paris an lo pan dawn a, player thenkhat an chhuak bawk ang. A hma hun tur chu kan sawi ho thuai ang” a ti.

Goal in a tarlan dan chuan kum 2017 a PSG zawm tu hi a man phu tawk vel a lei duh an awm anih chuan club in hralhchhuah mai an pawi tilo. Neymar hian 2017 atanga khan hniam lam a pan hret hret tih chu club hotute hmuh dan ani.

Euro 222 million a PSG zawmtu hian kum 2025 thleng Paris ah contract a la nei a, a club chu league nomawi 4 mai bakah Coupe de France 3 leh Coupe de la Ligue nomawi 2 te a chawipui tawh bawk. Champions League lamah erawh final lut tawh mahse a vanduai zawk niin German club Bayern Munich an ngam lo.

PSG president chuan Neymar mai bakah club players chungchang sawiin,”Ka sawi theih chu players te hian nikum ai khan tan la zual sauh rawh se, chu chu an laka kan beisei ani. A nuam lai chin chauh a inkhel tum chuan inkhelh hun an chang lovang, a theihna 100% hmangchhuak theuh turin ka duh ani. Team tak tak din kan duh a, team boruak tha tak awm se kan ti bawk, chu chu manager te duh dan pawh ani. Keini chuan inchhuang taka PSG kawr ha a a tawp thleng a bei tang tang tu player kan duh” a ti.

Related Posts

error: Content is protected !!