Neymar Dream XI-ah Real Madrid player 5 lai an tel a, Luis Suarez erawh a tello

Paris Saint-Germain (PSG) superstar Neymar chuan a Dream XI a sawi a, Barcelona lama a teammate hlui Luis Suarez erawh a sawi tel lova, Real Madrid player 5 lai a sawi tel thung.

Kum 2017 khan Neymar chu khawvel player man to ber ni turin Barcelona atang Paris Saint-Germain a zawm a, kha tih laia a man chu €222 million lai a tling. Camp Nou lamah hian kum 4 chhung hun a hmang ve hman a, kum 2013 leh 2017 inkar khan La Liga nomawi 2, Champions League 1 leh Copa del Reys nomawi 3 lai a chawi pui hman a ni.

2014-15 season-a Barceloa an treble tum khan Neymar pawh a che tha ang reng a, Barcelona all competions goal 52 lai mai a inhnamhnawih ve a ni. Paris Saint-Germain lamah awm lut tawh mahse, Camp Nou lama kir leh tur anga sawi a ni fo mai.

Neymar hi FC Barcelona lamah che tha viauin, hlawhtling viau mahse, a dream XI-ah a teammate hlui Luis Suarez a telh loh vangin supporters tamtak a chungah an thinrim a ni. Kum 2019 khan Neymar hnenah all star XI an thlan tir a, Neymar chuan Real Madrid player 5 a thlang a, Barcelond star 4 leh PSG lama a teammate 2 a thlang bawk. Heng a thlan zingah hian Brazillian player 7 lai an tel a ni.

Neymar Drem XI (as per Tribuna) Victor Valdes; Dani Alves, Sergio Ramos, Thiago Silva, Marcelo; Vinicius Jr, Kaka, Ronaldinho, Robinho; Lionel Messi, Kylian Mbappe.

Kan hriat angin FC Barcelona lamah khan Messi, Suarez leh Neymar te kha an inkawp fuh ang reng a, MSN tia hriat an nih kha. Mahse, Suarez a sawi tel loh avang khan mi tamtakin mak an ti a ni.

Source SK

Related Posts

error: Content is protected !!