Neymar defender hmachhawn harsa tih ber Klye Walker

Paris Saint Germain forward Neymar Jr chuan Manchester City right back Kyle Walker chu a career a defender hmachhawn harsa a tih ber thu a sawi.

Brazilian international hi DAZN chuan kawmna an nei a, ‘tunge i career a defender hmachhawn harsa i tih ber’ tia an zawhna chu Neymar an chhangin,”Kyle Walker. A rang in a chak em em , a fing hle bawk” a ti.

PSG forward leh City defender te hi UEFA Champions League ah tum li an lo inhmachhawn tawh. Ligue 1 champion hian 2020-21 season khan semi final ah Man City an tawng tawh a, aggregate a lak in 4-1 in an PSG lam hi an tlawm.

Tin, season hmasa khan group stage ah an lo insu leh tawh bawk a, Parc des Princes ah mual neitu PSG lam in 2-0 in hnehna an chang a, Etihad Stadium lamah mual neitu City in 2-1 in hnehna an chang ve leh bawk. Neymar hian Walker a hmachhawn tum li ah goal leh assist a nei lo.

Tun hnai kumah City tan Walker pawimawh zia kan hre theuh awm e, a mana City in £50 million + add ons an inseng pawh kha a awm lo hran lo. 2017 a Etihad Stadium pan tu hian Cityzens tan game 222 inlan tawh in goal 6 leh assist vawi 17 a nei tawh a, Premier League nomawi vawi 4 chawi tawh bawk.

Related Posts

error: Content is protected !!