France a report tarlan danin Neymar chungchangah Paris Saint Germain leh Chelsea lam chuan inbiakna an nei a, PSG a tlatlum tawh lo Neymar hian club dang zawm a hreh lo nia sawi a ni bawk.
UEFA Champions League Round of 16 first leg a PSG in Bayern Munich an hnehloh hnuin PSG chuan an forward chungchangah Premier League club Chelsea nen inbiakna an nei.
La Parisien tarlan danin Al Khelaifi leh Todd Boehly te chu France khawpuiah an inhmu a, topic hrang hrang te sawi dun in Neymar an North London club a zawm theih dan tur pawh sawi tel a ni.
Tun hnai chho ah PSG in Neymar hralhchhuah an duh tih thawm a awm reng a, Brazilian forward hi hliam in a tlakbuak nasat bakah a tha mar (consistent) lo em em a, kum 30 ral a kai tawh bawk nen, a chungchanga hetiang thuthang a awm pawh hi a mak lutuk hran lo.
Ligue 1 champion in 2017 a €222 million a an lakluh hi nipui bazar inhawn hunah man tlawm te a chhuahtir an pawi tilo nia sawi a ni. La Parisien chuan Blues in kum 2027 thleng Parc des Princes a contract la nei Neymar hi €60 million vel in an leichhuak thei dawn niin a tarlang.
Chelsea boss hlui Thomas Tuchel chuan 2022 nipui transfer bazar lai khan Todd Boehly hnenah Neymar transfer request a lo siam tawh nghe nghe a, amaherawhchu tihhlawhtlin in a awm lo.
Kum 31 a upa hian PSG ah season khat chhungin €36 million lai a hlawh a, amaherawhchu ani (Neymar) aiin Lionel Messi leh Kylian Mbappe te chu player hlawh tam zawk an la ni fan. €120 million a Enzo Fernandez lalut tu Blues tan man tlawm te a Neymar lakluh a harsat a rinawm lova, a hlawh tur pawh American businessman Todd Boehly tan buaina a tling lovang.