Saudi Arabia lamin Newcastle United an lei hnuah, footballer tha tamtak nena sawi zawm nghal a ni a, Premiere League club Newcastle United nena sawi zawm zingah Manchester United player te pawh an tel a ni.
Daily Telegraph in an tarlan dan chuan Magpies hian January transfer window lo awm turah khian €224 million lai an hmang thei dawn niin an tarlang.
Newcastle neitu thar te hi Premiere League-a hausa ber annih rin a ni, tunah chuan club tana an theih ang ang tih hun a ni tawh a, transfer window-ah player tha tak tak an lak luh theih nual a rinawm hle.
Club neitu thar an neih hnuah leh an hausak avang pawh hian player tha thenkhatte pawhin Newcastle United tana khelh chu an duh ngei a rinawm a, first team manager atan Steve Bruce hming pawh a lang tan der tawh.
Newcastle United nena sawi zawm Manager zingah Lucien Favre, Steven Gerrard leh Frank Lampard te hming pawh a lang ve a, mahse, Newcastle United hian eng player nge an lak luh theih ang le.
AC Milan midfielder Franck Kessie hlut zawng hi €55 million lai niin Transfermarkt chuan a tarlang. Kessie hian June 2022 thleng chiah contract a nei tawh a, Newcastle United target pakhat a ni.
Engpawhnise, Newcastle United nena sawi zawm player 9 te kan rawn tarlang ve leh dawn a ni.
Eric Bailly (Manchester United) – €10 million
Aaron Ramsey (Juventus) – €14 million
Jesse Lingard (Manchester United) – €22 million
Donny van de Beek (Manchester United) – €25 million
Philippe Coutinho (Barcelona) – €30 million
Anthony Martial (Manchester United) – €35 million
Kalidou Koulibaly (Napoli) – €48 million
Ousmane Dembele (Barcelona) – €50 million
Franck Kessie (AC Milan) – €55 million
Source SL