Newcastle star Guimaraes an Man City hmachhawn harsat zia a sawichhuak

Newcastle United midfielder Bruno Guimaraes chuan Manchester City chu an that êm avanga hmachhawn an harsat takzet thu a sawichhuak.

Ni e, City hi tun dinhmunah chuan Premier League mai nilo Europe a team tha ber anni a, season hmasa khan ropui takin treble champion anni. Pep Guardiola hnuaiah Man City an tha em em a, sum an ngah ten tawn bawk nen, team dangte tan chuan an hnawksak takzet!

Magpies midfielder Guimaraes chuan City hmachhawn an harsat zia hetiang hian a sawi, “Man City hi England ah team dang zawng zawng chunga leng anni tih kan hre tlang âwm e. Kan hmachhawn tawh hi chuan hun duhawm lo tak kan tawng thin a, ka haw takzet. Anni professional an nih laiin keini lam erawh naupang ang mai kan ni hian ang thin.”

”Player 15 a khel hi an ang mah a, chutihlaiin keini lam erawh player 7 chauh emaw kan nih tih a awl rum rum zel. Kan kiang vel kan en hian a pâwl vek a ni mai hian a hriat a, rapthlak khawpa tha anni! Man City lakah engtiangin nge i khelh ang? Ka hre bik lo. I va chhuak anga, goal an lo khung nghal chawt ang. Anni hmachhawn hi a harsa takzet” a ti.

Champion lai City hi season tharah pawh trophy chawi tura rinkai ber anni leh dawn a, chutihrualin club dang an inthawmtha nasa a, eng nge thleng zel dawn kan hria ang chu.

Guimaraes khelhna Newcastle hi season liamta chiah khan league ah palina anni a, season tharah UEFA Champions League an khel dawn. Eddie Howe hnuaiah Newcastle in hma an sawn em em a, league a an chet that bakah Carabao Cup ah final hial an lut.

Brazilian international Guimaraes chuan Newcastle in trophy an chawi thuai a beisei thu hetiang hian a sawi, ”Nomawi chawi tura kan zinkawng a intan tawh a, he club in kum 24 meuh hnuah final a lut leh a, kum 20 chhung Champions League kan khelhloh hnuah hei kan khel leh dawn ta chu anih hi. Season thara kan thiltum chu champion nih hi a ni a, thil engemaw tal hlawhchhuah kan duh a ni” a ti.