Chelsea manager Thomas Tuchel chuan Blues star Kepe Arrizabalaga chu sportmanship a nih thu a sawi a, hahipin a fak.
Kepa Arrizabalaga hian kum 2018 summer transfer lai khan La Liga club Athletic Bilbao atang £72 million in Chelsea a zawm a. Stamford Bridge lama a insawn hnu hian Alisson Becker khumin khawvel goalkeeper man to ber nihna a hauh a ni.
Chelsea lam hian an goalkeeper chhuak ta, Thibaut Courtois dinhmun luah thei ngei turin Kepa Arrizabalaga hi an la lut a, mahse, club in plan a siam ang leh player duh dan angin thil a kal tluang lo.
Chelsea-ah hian kum 7 chhung atan contract a sign a, tunah hian kum 3 na chauh a hmang mek. A chet that vak loh avangin Chelsea chuan Edouard Mendy an la lut leh a, rin aiin a che tha phian, Kepa a khum chiang hle.
Edouard Mendy’an Chelsea a zawm hnuah, Kepa hian khelhna hun a nei tlem hle a, Season hmasa atang tawh khan Mendy hi Chelsea first choice goalkeeper ni tawhin, Kepa erawh season hmasa Premiere League-ah match 7 chauh a khel phak a ni.
Tun season khelh mekah Athletic Bilbao goalkeeper hlui Kepa hian Premiere League bikah game 1 chauh ala khel rih, September thlaa Tottenham an hmachhawn tum khan a ni. Champions League match a Zenit an hmachhawn tum khan a khel leh bawk.
Chelsea-ah khel tam lo hle mase, Kepa Arrizabalaga hian professional a nihna a pholang chiang hle. Heng avang hian Blues manager Thomas Tuchel pawhin a fak hle a ni.
Kepa Arrizabalaga hian rin phak bak rilru puthmang tha tak mai a nei niin Thomas Tuchel chuan a sawi.
“Englai pawhin a bei ve reng. Sportsmanship entirna tha tak pakhat a ni. Neih engmah ka neilo, mahse, ka fak a ni. Zenit kan hmachhawn tum pawh khan a tih theih ang tawkin a ti a, nitin mai hian rilru puthmang tha tak a nei. A thil tih hian sang takah ala thlen pui ngei ang.” tiin Thomas Tuchel chuan Kepa a fak.
Source SK