Mipa naupang kum 9 a upa pakhat chuan England striker Marcus Rashford a support zia tih lan nan, lehkha a thawn. Kan hriat angin Euro 2020 final penalty shoot out ah Rashford hian goal a khung thelh a nih kha.
England leh Italy final khelhah khan hun pangngai minute 90 ah 1-1 in an indraw a, extra time ah pawh goal an khung belh lo ve ve. Penalty an pet a, England lam atangn Marcus Rashford, Jadon Sancho leh Bukayo Saka ten an pet goal lo, Italy chuan hnehna an chang a nih kha.
Piers Morgan chuan Tweeter-ah ‘Hey Marcus he nuapang hian he rama mipui tam tak te tan thu a sawi niin a lang’ tiin a tweet.
Mipa naupang, Dexter chuan ti hian a ziak. ‘Duhtak Marcus Rashford, hunrei tak i rilru a nat ka ring lo, a chhan chu mi tha tak i nih avangin.’
‘Nikum lamah khan mipui lawmna neilo i puih avangin mi ti phur hle. Nizan pawh khan min tiphur leh, huaisen takin awm zel ang che.’
“Ka chhuang tak zet che, englai pawhin hero i ni ang, from Dexter, kum 9′ tiin mipa naupang hian a ziak a ni.
Euro 2020 ah Marcus Rashford hi khel ve mahse, Substitute atangin a lut zing hle, vawikhat ai tam a lut a ni.
Nizan inkhelhah khan England boss Gareth Southgate chuan extra time-ah Manchester United star Rashford hi a luh tir a, mahse, vanduaithlak takin penalty a pet goal lo.
England tana penalty pet goal lo te chungah inhmusitna a thleng thar leh a, Saka, Rashford leh Sancho te instagram page-ah tawngkam mawilo hmang an tam leh hle.
Arsenal star Saka pawh social media lamah an kah rawn a, inhmusitna tawngkam an hman khum nasa hle, pakhat phei chuan kan ram atangin chhuak rawh tiin a sawi nghe nghe. Pakhat dang leh chuan Nigeria lamah kir leh rawh tiin a sawi bawk.
Prime Minister Boris Johnson chuan, ‘England team te hi hero anga cheibawl hun a ni, social media lamah chi leh chi inhmusitna hun a nilo tiin” a sawi.
Source SL