Nations League khel turin Maguire leh Shaw te koh ni mahse Qatar pan turin erawh hna an la ngah

England manager Gareth Southgate an Nations League khel tur squad a chhawpchhuah thar ber ah Manchester United defender pahnih Harry Maguire leh Luke Shaw te telh mahse 2022 Qatar World Cup khel turin erawh heng defender pahnih te hian hna an la ngah.

The Three Lions in tun thla chawhnu lam hian Nations League ah ram pahnih an hmachhawn ang. September ni 23 ah Sansiro ah Italy an tlawh dawn a, Italy an hmachhawn atanga ni thum hnuah Germany chu Wembley Stadium ah an lo mikhual bawk ang.

Brentford forward Ivan Toney chu England aiawh tura vawi khat an kohna a ni a , tun season kal mek ah Toney hian league goal 5 a khung tawh. Loan a Man Utd atanga Notthingham Forest zawmtu Dean Henderson chu Gareth Southgate an a squad player 28 zingah a ko tel a, hliam vangin Marcus Rashford erawh koh tel a nilo thung. Rashford mai bakah season bul tan tha Jadon Sancho pawh Southgate an a ko lo.

Tun season kal mekah Harry Maguire, Luke Shaw Chilwell leh Kalvin Phillips te a inkhel tam lo hle a, mahse Southgate chuan a ko tel tho. Hemi chungchang hi England head coach chuan sawifiahin,” Tun season ah an club theuh tan Harry Maguire, Luke Shaw, Ben Chilwell leh Kalvin Phillips te an inkhel tam lo tih kan hre theuh mahse keini chuan he team tana an tangkai tawh thin ang in tun hunah pawh an tangkai chhunzawm theih kan beisei. A tan leh ka tana hun duhthusam ber chu a ni hauh lo mahse Qatar World Cup thlen hma in inkhelh tur a la tam” a ti.

Related Posts

error: Content is protected !!