Premiere League superstar Mohamed Salah hi tun season a player che tha tak pakhat a ni. Liverpool tana goal khungtu ber niin Premiere league goal khung hnem ber a ni mek.
Tun season khelh mekah goal 14 lai a khung leh der tawh a, 2021-22 season khelh mekah hian Mohamed Salah goal khun lamah duai lo viau mahse, goal assist lamah pawh a duai lo hle. Tun season khelh mekah vawi 9 assist a nei mek.
Mohamed Salah hi Liverpool in nomawi an beiseina awmchhun a ni a, amah hi che tha lo ta se, Liverpool hian nomawi hi an beisei ngam ang em tih chu zawhna awm thei a ni. Amah avangin Liverpool chu Premiere League nomawi chawi thei tur zingah an langsar a, rin ber pakhat anni bawk.
Engpawhnise, tun tumah hian Liverpool winger Mohamed Salah’an season tawp ruala Premiere League record a siam theih tur panga te kan rawn talrang ve leh dawn a ni.
5 Egyptian atanga Premier League nomawi chawi thei awm chhun
Kum 2017 summer transfer lai khan Liverpool chuan Mohamed Salah chu an la lu ta, an lak luh atanga chhutin Liverpool hian goal an khung tam thei hle. Liverpool-ah season khatna a hman khan Premiere League bikah match 36 a inlan atang goal 32 lai a khung a ni.
English club tan hian goal 100 ai tam a khung tawh a, Mohamed Salah hi Liverpool player ropui a ni. 2019-20 pawh khan a che tha em em a, Liverpool chu Premiere League nomawi a chawi pui, kha season ah khan Premiere League goal 19 khungin assist 10 a nei tling.
Tun anga an che tha chho zel a nih chuan Liverpool hian Premiere League nomawi an chawi thut thei a, an chawi a nih chuan Mohamed Salah hi Egyptian atang Premiere League nomawi vawi 2 chawi thei hmasa ber a ni thei dawn a ni.
4 Premier League player of the month awards Record
Mohamed Salah hian goal a khung thei zel a nih chuan Liverpool hian Premiere League nomawi chawi theihna chance annei a, Salah pawhin Premiere League player of the month award vawi 2 emaw vawi 3 vel dawn theihna ala nei thei dawn.
Tun season khelh mekah Salah hian Premiere League player of the month award vawi 1 a dawng tawh a, a vaiin vawi 4 a dawnna a ni. Premiere League player of the month award dawng tam bertu chu Sergio Aguero niin, Salah tan Aguero record neih khum chu harsa dawn mahse, tun season ah a khum lovang tih a sawi theih loh.
3 Premiere League goal-a inhnamhnawi rei record
Tun season Premiere League khelh mekah Salah hi midang nen khaikhin chi rual a ni lo. Games 16 a khelh tawh atangin games 14 chhung a zawnin goal ah a inhnamhnawih tawh.
Premiere League goala inhnamhnawih rei ber chu Jamie Vardy a ni a, ani hian kum 2015 khan vawi 15 lai mai a zawnin alo contribute tawh a ni. Liverpool in zaninah Newcastle United an hmachhawn dawn a, goal a khung emaw assist a nei a nih chuan Jamie Vardy record a nih rual pui dawn tihna a ni. Vawi 1 dang assist emaw goal a khung a nih chuan a khum thei dawn.
2 Premiere League season khata goal-a inhnamhnawih tam ber record
Kum 2017 khan Mo Salah chuan Liverpool hi a zawm a, a season khatnaah goal 32 a khung mai bakah assist 10 a nei nghal, goal 42 ah a inhnamhnawih tihna a nih chu. Premiere League Season khata goal + assist nei tam ber pathumna a ni mek.
Luis Suarez chu pahnihna niin, 2013-14 season ah khan goal 43 lai maiah alo inhnamhnawih a ni. Pakhatna dinhmun hauhtu chu Thierry Henry niin goal 44 lai maiah alo inhnamhnawih. He record dinglai hi Mohamed Salah’an a khum thei maithei.
1 Premier League golden boot winner Record
Tun seasonah Golden Boot award a dawng a nih chuan Liverpool player atang GOlden Boot award 2 dawng thei hmasa ber a ni ang.
Source SL