Liverpool chuan Mohamed Salah chu contract thar pek an tum hnai niin an sawi a, Salah’an hlawh a duh zat pawh a leak niin an tarlang.
Mohamed Salah’an Liverpool lama contract a neih hi kum 2023 ah a zo dawn a, Liverpool tantu tamtak te chuan Liverpool in Salah duh ang hlawh an pe thei lovang tih chu an hlau hle.
Tun season khelh mekah hian Mo Salah chuan all competion-ah goal 9 a khung tawh a, Manchester City nen 2-2 a an indraw pawh khan goal a khung bawk a ni.
Report hrang hrangin an tarlan dan chuan Liverpool leh Salah te chu contract chungchangah an inrem hnai zel niin an tarlang a, kum 29 a upa Mo Salah hian kar khatah £300 000 leh £380 000 inkar vel hlawh a phut niin The Independent chuan a tarlang.
Tunah Salah hian kar khatah £200 000 a hlawh meka, a teammate Virgil van Dijk leh Thiago te pawhin Salah hlawh ang tho hi an hlawh. Mahse, Spotrac in a tarlan dan chuan Premiere League ah hian winger bikah Salah aia hlawh hnem zual player 16 lai an awm niin an tarlang.
Kum 2017 khan Roma atang Liverpool hi a zawm a, a chet dan ngaihtuah chuan hlawh tam zawk a phu a ni.
Reds tan match 212 lai a khel tawh a, goal 184 lai maiah a inhnamhnawih tawh a ni. Kum 2019 a UEFA Champions League nomawi an chawi theihnaah pawh khan player pawimawh tak pakhat a ni a, kum 30 hnua Premiere League nomawi an chawi tum pawh khan a pawimawh hle.
Source SL