‘Cristiano Ronaldo Nen Chuan Nitin Mai hi Harh Chhuahna Ni A Ni’

Gianluigi Buffon chuan Juventus lama a kir leh chhan a sawi pakhat chu Cristiano Ronaldo bula training leh khelhna huntha a neih theih dawn vang niin a sawi. Cristiano Ronaldo chungchanga a ngaihdan te chu thup bo mai lovin a sawi chhuak.

Nizan khan Copa Italia match Juventus leh AC Milan te khelh-ah khan 1-1 in an indraw a, Kum 42 lai ni tawh mahsela, Gianluigi Buffon chu a pawimawh leh hle, nizan an khelhah khan vawi 9 lai a saves a ni. Buffon chuan an khelh zawh hnu khan Cristiano Ronaldo leh a teammate hlui Zlatan Ibrahimovic te chu a fak.

Advertisement

“Ronaldo hi awiawmlo khawpin a tha, Juventus lama ka kir leh chhan pakhat pawh Cristiano Ronaldo kianga khelh leh training theina hun remchang tak a nih vang a ni. Cristiano Ronaldo nen chuan nitin mai hi harh chhuahna a ni mai” tiin Buffon chuan a sawi niin Football Italia in an tarlang.

2006 World Cup winner Buffon chuan kum 38 a nih hnua AC Milan lama kir leh ta a teammate hlui Zlatan Ibrahimovic pawh a fak hle. Zlatan Ibra hi Ac Milan lamah a la che tha ang reng hle a ni.

“Ibrahimovic hi kum 38 a nih hnuah Milan lamah a kir leh a, thil danglam tak a thlen tir a ni, ka lawm pui hle a, extraordinary champion a ni” tiin a sawi bawk.

Advertisement

Tun season khelh mekah Gianluigi Buffon hian Juventus tan all competions matchs 11 lai a khel tling leh tawh a, Season tan tirh khan Paris Saint-Germain atangin Juve lamah a lo kir leh a ni.

Advertisement

Next Post

Man Utd Fans Ten Chelsea Player Thar Tur Hakim Ziyech An La Lo Chu Pawi An Ti

Fri Feb 14 , 2020
Kan hriat ang Premiere League club Chelsea chuan Ajax play maker Hakim Ziyech chu summer transfer atan an la a, […]