Mipuite fakrawn Cadiz goalkeeper Ledesma

Football ngainatu tam tak te’n Cadiz goalkeeper Conan Ladesma chu social media kaltlangin an fak a, chhandamtu an ti hial. Nizan Barcelona leh Cadiz inkhel ah mualneitu Cadiz lam hi 4-0 in tlawm mahse an goalkeeper chetdan hian fans te lung a tithlu hle.

Minute 81 na a ni a, Barcelona lam 2-0 a hma an hruai mek laiin chhimlam goal post hnunglam mipui awmna ah buiana tawk an awm tlat mai. Inkhel muala player awm te’n chu lam an hawi thup lai chuan Cadiz goalkeeper chu defibrillator (lung lam endikna khawl) nen rang takin mipui lamah a tlan vat.

He tih mek lai hian Barcelona defender Ronald Araujo leh Cadiz lam Fali pawh an awmhmunah an tawngtai sap sap tih a hmuh theih bawk.

Fans lam atanga buaina tawk an awm avangin inkhel pawh darkar khat vel tihtawp lailawk a ni a, Cadiz president Manuel Vizcaino chuan harsatna tawk mi pakhat chu dam taka damdawiin thlenpui anih thu a sawi chiang.

He match zawh hian mi tam tak in Cadiz goalkeeper chet dan an fak. ”Cadiz keeper Ledesma a fakawm takzet. Vawiin khan mi nunna a chhanhim a ni”, ”Khatiang thil a thleng tih hre hmasa ber tu zinga mi chu Ledesma kha a ni. Rang takin damlo enkawlna thil nen mipui lam a pan nghal a, a chet dan avang khan zah a phu takzet”, ”Vawiin hian Ledesma an mi tam tak thinlung a hneh” tih te chu an fakna au hla a ni.

error: Content is protected !!