Borussia Dortmund chuan summer transfer lo awm truah Jadon Sancho chu €90-95 million velin an hralh chhuah a rinawm.
Premiere League club lian Manchester United chuan summer transfer hmasa zawkah khan England international hi lak an lo tum tawh a, mahse, an hlawhchham a nih kha. Tun tumah hian lak luh leh an tum dawn a, Fabrizio Romano sawi dan chuan, Bundesliga club lam hian eng bid mah an la hmu rih lo niin a sawi.
Borussia Dortmund leh Jadon Sancho te hi summer transfer lo awm turah chhuak turin an inrem tawh niin an sawi a, mahse, bid tu an la hmulo niin an sawi a, aman tur pawh hi €90-95 million vel a nih a rinawm.
Romano report leh dan chuan, Manchester United chuan Sancho hi a vawikhatna atan an bid a, €69 million an offer thu a sawi niin German publication BILD in a tarlang.
Borussia Dortmund in Jadon Sancho man atana an duh, an tlin lohna chu €20 million chauh a ni tawh.
Summer hmasa zawkah khan United chuan Jadon Sancho chu Old Traford lamah lak luh duh mahse, Dortmund lamin a man an ti to deuh, kha tih laia a man an hauh zat chu €120 million lai a ni.
Dortmund sporting director Michael Zorc chuan May thla khan Transfer chungchangah an inrem tawh thu alo sawi tawh.
Manchester United hian Jadon Sancho hi an lak luh ngei tawh a rinawm hle. An la lut thei a nih chuan kum 2026 thleng Old Traford lamah hian hun a hmang dawn a ni.
Source Sportbible