Premiere League-ah hian khawvel hmun hrang hrang atangin midifelders tha tak tak te an awm nual a. Heng midfielder te hian an club tan theuh an thawhhlawk hle.
Kum tamtak chhung chu Premiere League-ah hian midfielder tha tak tak an lo khel thin tawh a, Paul Scholes, Patrick Vieira, Frank Lampard, Steven Gerrard leh midfielder dang tha tak tak te pawh an lo khel nuk tawh a ni.
Engpawhnise, tun tumah hian 2020/21 season atanga Premiere League midfielder goal khung tamna club 5 te kan rawn tarlang ve leh dawn a ni. Heng kan rawn tarlan tur hi Transfermarkt tarlan a ni e.
5 Chelsea (22 goals)
Chelsea-ah hian khawvel midfielder tha nia sawi te an lo khel nual tawh a. Frank Lampard, Michael Ballack, Michael Essein leh midfielder tha dang te pawh an lo khel ve nual tawh. Chelsea hian midfielder tha tak lak luhna atan chuan sum tamtak sen pawh an inhuam niin a lang.
Season hmasa khan Chelsea tan midfielder lamin goal 19 lai an khung a, tun season khelh mekah pawh hian midfielder atangin goal 3 a lut tawh a ni.
4 Leicester City (28 goals)
Season hmasa khan midfielder atangin goal 26 lai an khung a, tun season khelh mekah midfielder atangin goal 2 an khung bawk.
3 West Ham United (30 goals)
Season khelh zawh takah khan midfielder atangin goal 27 lai an khung a, tun season khelh mekah pawh goal 3 an khung leh tawh.
2 Manchester United (35 goals)
Season hmasa khan Man Utd midfielder in goal 28 lai an khung a, tun season khelh mekah an goal khung zawng zawng belh khawm goal 14 atanga goal 7 chu Midfielder te khung a ni.
1 Manchester City (37 goals)
Season liamtaah khan midfielder atangin goal 32 lai an khung a, tun season khelh mekah pawh goal 5 an khung leh mek.
Source SL