Paris Saint-Germain star Lionel Messi chuan UEFA Champions League champion tura a rin team 6 hming a sawi a, mahse, Liverpool erawh a sawi tel ve lo.
Paris Saint-Germain hi rinhlel rual lovin UEFA Champions League champion tura rinkai ber anni ngei ang, summer transfer lai khan player tha tak tak Lionel Messi, Sergio Ramos, Achraf Hakimi leh Goalkeeper Gianluigi Donnarumma te an la lut a nih kha.
Argentine superstar Messi chuan tun season champion tura rin a nei nual a, a bik takin Premiere League club te a ni.
“Mi zawng zawng duhthusam (dream) chu UEFA Champions League nomawi chawi hi a ni. He inelnaa goal khung tur hian club hrang hrang te pawh an thawkrim hle.” tiin Messi chuan L’Equipe a hrilh.
“Mimal thlirna atang pawhin a pangai reng, Champions League a hnehna chan chu ka duh le, he thu hi Barcelona lama ka awm lai pawh khan ka lo sawi tawh.”
“A tha tak zet a, he inelnaa hnehna chan chu a har tak zet, mahse, heng team ka sawi te hi hnehna chang thei turin hmanrua atan player tha tak tak an kawl fur mai. An vai mai hian team ropui tak anni” tiin Lionel Messi chuan a sawi bawk.
A hnuaiah hian Messi’an 2020/22 UEFA Champions League champion tura a rin team 6 te kan rawn tarlang ve leh e.
Inter Milan
Bayern Munich
Real Madrid
Manchester City
Manchester United
Chelsea
Source SL