Nizan UEFA Champions League match-ah Paris Saint-Germain chuan 4-1 lai maiin Club Brugge an hneh a, Ballon d’Or vawisarih lai dawng tawhtu Lionel Messi pawhin goal 2 a khung ve a ni. Messi’an goal a khung hnu khan Man Utd superstar Cristiano Ronaldo neih lai a nih rual pui nghal.
Kum 34 a upa Lionel Messi hian tun season UEFA Champions League khelh mekah match 5 a khelh tawh atangin goal 5 a khung tling mek.
Messi’an goal 2 a khung vang hian mahni inrintawkna a neih belh ngei a rinawm a, A goal khatna a khung khan team hrang hrang laka goal khung hnem ber C Ronaldo record neih a nih rual pui chiah a ni.
Squawka in a tarlan dan chuan UEFA CHampions League bikah Lionel Messi hian team hrang hrang 38 lakah goal a khung tawh niin an tarlang. Man Utd star Cristiano Ronaldo pawhin team hrang hrang 38 lakah goal alo khung ve tawh bawk.
FC Barcelona captain hlui Lionel Messi’an Paris Saint-Germain a zawm hnuin goal 14 laiah a inhnamhnawih ve tawh a ni.
Source SL