LIonel Messi’an season thar atan Barcelona training ala zawm lova, a zawm loh chhan Report in an tarlang.
Kum 32 a upa Lionel Messi chuan August ni 2 ah FC Barcelona first team training a zawm dawn niin report hrang hrangin an tarlang a, mahse, a zawm tura an tih niah a la zawm lo.
Lionel Messi contract chungchangah confirm ala awm lova, FC Barcelona hian pre season match-ah Cristiano Ronaldo leh Juventus te an tum dawn a, kar leh khian Joan Gamper Trophy an khel dawn a ni, he inkhelh turah hian Lionel Messi pawh khelh ve a duh a, training a zawm thuai dawn niin an sawi.
Mundo Deportivo in an tarlan dan chuan Ballon d’Or vawi 6 dawng tawh tu Lionel Messi hi a contract tih fel a nih hma chu training a zawm dawn lo niin an sawi.
FC Barcelona captain Lionel Messi’an Spain lama contract a neih hi June thla khan a zo tawh a, tun thlengin contract thar ala sign fel thei rih lo, a chhan chu Barcelona president Joan Laporta nen inremna an la siam thei rih lova, club in sum lamah harsatna an neih vang a ni.
FC Barcelona hian player thar thenkhat Sergio Aguero, Memphis Depay leh Emerson te an la lut tawh a, Lionel Messi contract thar sign puina tur atana sum tuak nan an player thenkhatte pawh an la hralh chhuak zel dawn niin an sawi.
Lionel Messi contract an la tifel thei lo a nih chuan 2021 Copa America winner hian 2021/22 season game hmasa thenkhatte a khel theilo maithei a ni, August ni 15 khian FC Barcelona chuan La Liga-ah Real Sociedad an hmachhawn ang.
Gallery
Source SL