Messi’an 2021 Ballon d’Or a dawn vangin, Lewandowski a na

Bayern Munich striker Robert Lewandowski chuan 2021 Ballon d’Or Lionel Messi laka a chan hnuin, a rilru tak tak a sawi.

Kan hriat angin kar hmasa lamah Poland International Robert Lewandowski chu 2021 Ballon d’Or award ceremony-ah Lionel Messi kianga a thu a. Mahse, 2021 Ballon d’Or chu Argentina superstar Lionel Messi’an dawngin, pahnihna dinhmun a hauh a ni.

Kan hriat angin kumin Ballon d’Or chu mitamtakin Robert Lewandowski hian a dawn ngei an ring a. A teammate te atang pawhin dawng tura ringtu an tam ang reng hle, Thomas Muller leh Alphonso Davies pawhin mipui hriatah an pholang nghe nghe.

Jurgen Klopp leh Pep Guardiola pawhin Lewandowski hian Ballon d’Or hi a dawng maithei tiin an lo sawi ve a, mahse, amah Lewandowski hian eng nge a ngaihtuah ve tak ang le? Result an puan hnu lawk khan a lungngai hle niin a sawi.

“Result ka hriat khan, ka tan chuan kar (week) chhe ber a ni.” tiin Robert Lewandoawski chuan a sawi niin The NationĀ in an tarlang.

“Ka lungngai tak zeet a ni, ka lungawi thei lo, a chhan chu ka dawng teuh hle.”

“Messi anga ropui footballer elpui ve a, award i dawng tih i inhriat chuan, level sang taka awm tih leh career ropui tak i hmang ve a ni tih i inhre thei ang.” tiin a sawi bawk.

Kum 2020 khan Robert Lewandowski chu treble champion a ni, Covid 19 hrileng avanga France Football in Ballon d’Or an cancel hma kha chuan dawng tura rinkai ber a ni a, sem se chuan a dawng ngei ang le.

Source SL

Related Posts

error: Content is protected !!