Hriat angin Cristiano Ronaldo chu Manchester United lamah a insawn fel tawh a, a teammate thar thenkhatten Lionel Messi leh C Ronaldo chu an khai khin ve leh a, Marcus Rashford leh Paul Pogba pawh an tel a ni.
C Ronaldo hi Spain-ah kum 9 hun a hmang a, hemi hnu hian Italy lamah kum 3 chhung hun a hmang bawk. Tunah chuan Manchester United player ani leh tawh a, football khawvela player ropui ber pakhat a ni.
Kum 2003 leh 2009 inkarah khan United lamah hun alo hmang tawh a, trophies 9 lai mai a chawi pui hman a ni. Real Madrid chuan a that zia hriain sum tam tham tak hmangin an la lut a, Barcelona forward Lionel Messi nen league khatah an khel dun a ni.
Superstar pahnih Lionel Messi leh Cristiano Ronaldo chungchanga inhnialna emaw khaikhinna hi a tawp hlei thei lova, football fans leh player te pawhin englai mai hian an khaikhin a, an duh zawk an thlang fo mai.
Old Trafford lamah legend ni tawh mahse, Ronaldo aia Messi thlangtu United player an awm deuh fur mai.
Tun tumah hian Messi vs C Ronaldo debate chungchanga Manchester United player 6 te thusawi hi han tarlang ve reng reng teh ang.
Marcus Rashford : Ronaldo fan ruh tak mai ka ni a, mahse, Messi hi a ropui ber ka ring tiin kum 2018 khan a sawi (CNN)
Mason Greenwood: Ka tan chuan englai pawhin Lionel Messi hi a ni tawp mai, planet dang atanga lo kal a ni tiin kum 2021 ah a sawi (Tribuna)
Bruno Fernandes: Pele khelh lai ka hmu lova, Khawvel player ropui ber ani tiin ka sawi theilo. Kei chuan Cristiano Ronaldo hi ka player hmuh tawh zawng zawng zinga tha ber a ni tiin kum 2020 khan a sawi (fr24news)
Harry Maguire: Ka tan chuan C Ronaldo hi game khel tawh zinga ropui ber a ni tiin kum 2020 khan alo sawi (Manchester United)
Paul Pogba: A mawi hle, mahse, question har tak a ni, ka tan chuan tha zawk a awm lova. Player dang ve ve anni. Player pahnih, ennuam tak anni tiin kum 2021 ah a sawi (Mirror)
Scott McTominay: Messi ang footballer hi ka life ah ka hmu ngai lo tiin kum 2020 khan a sawi (SPORTbible)
Source SL