Argentina superstar Lionel Messi le Brazil superstar Neymar hi Copa America 2021 an chuih cuahmahmi ah player cawlcangh tha bik pahnih an si. South American magician tiah theihmi an si i, Copa America 2021 final ah an i tong lai.
Lionel Messi le Neymar hi bawlung chuihnak leng zong ah an i pehtlaihnak a tha ngai i, an ramle ram zong an rak chuih bal cang. Tukum Copa America final zong ah an i tong tthan lai.
Copa America 2021 semi final ah Brazil nih Peru an tei i, Argentina nih Colombia an tei ve. Mi tampi nih Brazil le Argentina hi final chuih dingah an zumhm an si bantukin tutan final ah an i tong lai.
Copa America 2021 ah hin Messi le Neymar hi an cawlcangh tha ve ve, Copa dih tikah tuanbia (record) thar ser ding zong an ngei pah. Lionel Messi nih hin a ram Argentina caah goal 76 bak a khumh cang i, Pele phak khawhnak ding ah kawl 1 lawng a duh cang, final ah hin kawl a khumh kho lai maw?
Bantukin Neymar zong nih Brazil caah kawl 68 bak a khumh cang i, a caan dongh tiang ruatah cun Messi nakin caan tha a ngei tam deuh. Brazil player tha bik pakhat asi i, international stage-ah Brazil caah voi 49 bak (assist) a ngei cang.
COPA AMERICA 2021 I MESSI LEH NEYMAR CAWLCANGH NING
Atutan ah hin Neymar hi Brazil caah a cawlcangh tha ngai, bantukin Leo Messi zong Argentina caah a cawlcangh tha ngai.
Copa 2021 Final an luh pi ve ve. Messi nih puai 6 a chuihmi chung ah kawl 4 a khumh cang i, Copa 2021 ah free kick voi 2 a chuih i kawl 2 a khumh.
Neymar zong Brazil caah a cawlcangh tha ngai Copa America 2021 chuihmi ah kawl 2 a khumh i, assist voi 2 a ngei. Nain, PSG superstar Neymar nih hin puai 4 a chuihmi hnu bikah kawl a khumh kh lo. Nain Final ah hin a khumh kho men.
Messi hi kum 34 upa asi cang, Neymar he tahchunh ah cun Messi a cawlcangh ttha deuh ko.
Source Sl