Messi vanga sum la lut hnem PSG

Summer transfer hmasa zawkah khan Paris Saint-Germain chuan Barcelona atang Lionel Messi chu an la lut a, an lak luh hnu atang PSG hian sum an la lut hnem hle niin report in a tarlang.

Kum 2021-a Lionel Messi’an Catalan club Barca a chhuahsan hnu khan Paris Saint-Germain tan kum 2 daih contract a sign a.

An inremnaah hian Lionel Messi hlawh tur hi £60 million vel anga chhut a ni, kum 2022 khan PSG chuan nomawi chawi nghalin, Lionel Messi pawhin all competion ah goal 11 a khung mai bakah assist vawi 15 a nei tling.

Pitch lamah hlawhtlinna a chanpui mai bakah Ballon d’Or vawi 7 dawngtu Lionel Messi hian Paris Saint-Germain chu £612 million lai mai a hlawhchhuah pui niin EL Economista chuan a tarlang.

Parc des Princes-ah thla 12 chhung Lionel Messi’an hun a hman chhungin Paris Saint-Germain income chu 13% lai maiin a pun belh a, sponsoreship Diar PlayBetR leh GOAT atang ringawt pawhin an la lut hnem hle. PSG hian cryptocurrencies annei a, chu pawh chu €300 million laiin a khum niin an sawi.

El Economista report dan chuan Parisian club hian tun season chhung ringawtah jersey 1 million chuang an hralh tawh a, chung an hralh zinga 60% chu kawr hnunga ‘Messi 30’ inziahna niin an tarlang.

PSG Director of Marketing Marc Armstong chuan Messi hming leh number ziahna kawr hi tamtak an la hralh belh zel thei dawn niin a sawi.

“Demand hi 30% atanga 40% velin a pun belh leh a, heng hi engin nge ti tawp thei ta ang le” tiin Marc Amstrong chuan a sawi nghe nghe.

“Hetiang transfer hi chu a danglam bik, entirna tha tak chu United in Ronaldo an lak hi a ni, a jersey hralh duh avang ringawtin an la lut tiin i ngaihtuah maithei, mahse, hei chauh hi a ni lo.”

“Jersey tamtak siam chhuah mai hi a theih loh. A duhtu awm dan a zir zelin siam a ngai a, Mahse, Messi jersey chungchanga demand erawh a vawrtawp kan thleng hi a ni ringawt mai.” tiin uar takin a sawi.

SOurce SB

Related Posts

error: Content is protected !!