Messi thutlukna siam hi ka tan buaina a nilo, team tana tha tur zawk a ni – Hakimi

Nizan khan Ligue 1 match ah Paris Saint Germain chuan an mikhual Brest chu 1-0 in an hneh a, Neymar goal hmanga point thum hlawhchhuakin he goal lut awmchhun hi Lionel Messi assist a ni nghe nghe.

Nizan inkhelah Archarf Hakimi chuan a hnena ball pe turin Messi au lawm lawm mahse Argentine forward hian Hakimi aia tha pass tur tha zawk hria in Neymar hnenah ball a pe a, he a thutlukna siam hi Hakimi chuan buaina a tlin loh thu leh team tana tha zawk anih thu a sawi.

”Ball min pe turin Leo hi ko mah ila min pe lo anih chuan pek tur dang tha zawk a hria tihna a ni mai. Kha kha buaina a tling lova, vawiin ah pawh kei aiin Neymar a pe zawk a point thum kan hmuh phah anih kha” tiin Hakimi an Messi thutlukna siam ah engmah harsatna a neih loh thu a sawichhuak.

Argentine superstar hian season bul a tan tha a, league game 7 a inlan atangin goal 3 leh assist vawi 7 a nei tawh. Tin, tun season kal mek ah Messi ai maha che tha zawk chu nizan a goal khungtu Brazilian forward Neymar a ni. Neymar hian league game 7 a inlan atangin goal 8 leh assist vawi 6 a nei tawh!

Season hmasa a PSG top scorer a bang bik hauh lova, Mbappe hian league game 6 a inlan atangin goal 7 a khung ve tawh bawk.

Related Posts

error: Content is protected !!