UEFA Champions League draw an neih that leh hnu khan Paris Saint-Germain chuan La liga club lian Real Madrid a hmachhawn dawn a, PSG superstar Lionel Messi chuan PSG in Champions League nomawi an duh thu a sawi.
Paris Saint-Germain tum ber chu Champions League nomawi chawi a ni tiin Lionel Messi chuan Round of 16 draw an neih hnu khan a sawi.
Round of 16 draw an neih hmasak zawkah khan PSG chuan Manchester United hmachhawn tur ang a ni a, mahse, technical error awm vangin draw that leh a ni. 2019-20 Champions League runner up Paris Saint-Germain hi Europe lamah hlawhtlinna an chang man ngailo a ni.
Barcelona superstar hlui Lionel Messi pawhin Real Madrid nen an inhmachhawn leh dawn a, first leg hi ni 15, February tlaa khelh tan tur a ni.
“PSG tum ber chu UEFA Champions League a champion hi a ni, hei hi mi zawng zawng tumna a ni” tiin Messi chuan Dubai Expo 2020 ah sawi niin Marca in a tarlang.
“A hmain PSG hian an lo chawi teuh hle a, hei hi team zawng zawng tena chawi an tum ber leh duh ber pakhat a ni. Hnehna chan ngei kan tum ang.” tiin a sawi bawk.
Kan hriat angin 2021-22 season tan tirh khan Messi chu PSG lamah a insawn a nih kha.
Kum 34 a upa Lionel Messi hian Camp Nou lamah contract thar sign a rilruk a, mahse Catalan club lian lamin sum lamah harsatna hrang hrang an tawh avangin Messi duh ang an pe theilova, a chhuahsan ta a ni.
Tun season khelh mekah hian Messi chuan PSG tan Ligue 1 match 10 a khelh tawh atang goal 1 chiah ala khung a, Champions league lamah erawh goal 5 lai a khung thung.
“Hun tamtak a liam hnuin thil a inthlak danglam nasa hle a, a awlsam tawh lovang.” tiin Messi chuan a sawi.
“Mahse, kan vai mai hian kan che tha thei a, khawvel team tha ber pakhat Man City angin kan che tha thei a ni.” tiin a sawi bawk.
Source MARCA