Kar hmasa khan FIFA chuan The Best FIFA Men’s Player of the Year finalists pathum te a puang a, Lionel Messi, Robert Lewandowski leh Mohamed Salah te an lang a ni. Anni pathum hi player 11 atanga an lak chhuah leh te anni.
The Best FIFA Men’s Player of the Year award 2021 dawng turin an tlak vek a, mahse, an stats en hian tu nge dawn phu ber ta ang le.
Kan hriat angin The Best FIFA Men’s hi kumtin FIFA in player che tha hnenah alo hlan thin tawh a, kumin edition pawh January ni 17 khian Zurich, Switzerland-ah hlanna hun a hmang leh dawn a ni.
Tun tumah hian Finalist pathumte chet dan thenkhat kan rawn tarlang ve leh dawn a ni.
3 Mohamed Salah
Liverpool leh Egypt winger Mohamed Salah tan kum 2021 hi a career bikah a hman that ber kum a ni hial ang. Salah hian Liverpool chu Premiere League nomawi leh UEFA Champions League nomawi a chawi pui a, kum 2022 pawh hian chawi pui theihna chance a nei. FIFA Best Men award ah pawh Lionel Messi leh Lewandowski te nen finalist pathum-ah an lang a ni.
Review a nih atang Salah hian club leh ram tan match 45 a inlan a, goal 26 a khung mai bakah assist vawi 6 a nei tling bawk. Key passes 56 lai a neih mai piahah big chance 12 a nei bawk. Goal khungtu leh creator tha tak a ni.
Salah goal hmangin points 16 an hlawh chhuak a, man of the match award vawi 3 a dawng bawk. Hei hi review a nih hnua a chet dan a ni.
2 Robert Lewandowski
2021 Ballon d’Or-ah Bayern Munich star Robert Lewandowski hi runner up a ni a, The Best FIFA Men’s Player of the Year Award kawl mektu a ni bawk. Polish striker tan hian kum 2020 kha hriatreng tlak a ni ngei ang, a goal khung avangin Bayern chu an treble a ni.
Review a nih hnuah match 44 a khelh atang goal 51 lai a khung a, hei mai bakah assist vawi 8 a nei tling bawk. A goal khung avangin a team in point 33 lai an hlawhchhuak a, man of the match vawi 16 lai a dawng bawk.
Bundesliga leh DFL Supercup nomawi a chawi pui a, finalist pathum zinga goal khung hnem ber a ni. Hei hian FIFA’s The Best Men’s Player of the Year Award dawn phu berah a siam.
1 Lionel Messi
An chet dan review a nih hnuah Agentina captain Lionel Messi hian club leh ram tan match 57 a inlan atang goal 43 a khung mai bakah assist vawi 17 lai a nei tling. Key passes 150 neiin, a teammate te tan big chance vawi 34 lai a siam sak. A goal khung atang a team in points 43 lai an hlawh chhuak a, man of the match vawi 34 lai a dawng bawk.
Source SK