Messi lem lian tak cheitu zingah Beckham a tel ve!

Lionel Messi an Major League Soccer lam pana Inter Miami a zawm dawn avangin club neitu chan chang David Beckham pawh a phur sur sur tawh hle a, Messi lo lawm luh nana a lem lian tak an tarchhuah chu a cheitu zingah a tel ve hial!

Beckham nupui Victoria Bechkham chuan instagram lamah a pasal thiltih hetiang hian a tarlang; “Ni tlem te liamta mai khan a lo thleng ve chauh va, tunah lah hei a thiltih mek ah hian a bur chawt a ni ber. Ka ngaihdan chuan David hian Miami ah Messi lem chei in hna tha tak a thawk a, he hmun kan lo thlenna la rei lo viau mahse a tihtur ah a bur chawt.”

”Chuan hei en teh u, milem hi a lian in a hrawl takzet. David Beckham hian tih theihloh a neih awm pawh ka hre lo. Khitah khian a awm a, a chei mawlh mawlh mai. A hnathawh hian min tiphur takzet a ni” a ti.

Ballon d’Or 7 kawltu in MLS lam a pan dawn avangin a bikin United States lama football ngainatute an phur tlang hle a, Argentina captain hi ropui taka lo hmuak tumin an inbuatsaih chho mup mup.

Messi hian Miami ah season khat chhungin €45-55 million vel a lalut dawn a, MLS sponsor-tute Adidas leh Apple te nena an thawhdunna atangin sum thahnem tak a hailut bawk ang.

Kum 36 a upa hian a team thar a zawm hnai a, tun thla ni 21 hian Miami leh Mexican club Cruz Azul te’n League Cup match an khelh hunah Messi an a team thar tana a game hmasa ber a khelh a rinawm.

error: Content is protected !!