Tun Euro khelh mekah kum 32 a upa Arnautovic chuan Autria tan goal khat a khung ve a, press conference-ah Lionel Messi leh Cristiano Ronaldo chungchang sawiin planet dang atang rawn kalin trophies zawng zawng an rawn la a, an khelhna league ah an tha ber tiin a sawi.
Euro 2020 Round of 16 an khelh turah hian Italy an hmachhawn dawn a, hemi chungchangah kawmna an nei West Ham striker hlui hnenah Ballon d’Or vawi 5 dawng tawhtu chungchang zawh a ni. An kawmnaah hian C Ronaldo chungchang zawt mahse, an inbiaknaah erawh FC Barcelona captain Lionel Messi pawh a sawi tel a ni.
“Ronaldo chungchang zawhna alo luh hian, mihring an ni lo tiin kan sawi thin. Amah chungchangah hian eng thu nge ka sawi ve tak ang le?” tiin Marko Arnautovic chuan a sawi.
“Ka tan chuan, anni pahnih hi planet dang atanga rawn kal an ni. An lokalna hmun hi a dang ve ve a ni.”
“He khawvelah hian league leh inelna hrang hrang ah tha taka che turin hunreilo te chhung atan an rawn thleng a ni, trophies zawng zawng an lak hnuah, an chhuak leh ang.”
Arnautovic chauh hi Lionel Messi chu mihring a ni lo tia sawitu a ni lova. BT Sport interview naah Barcelona defender Gerard Pique pawhin a teammate ang reng reng football khawvelah an awm loh thu a sawi.
“Englai pawha ka sawi chu Messi hi an midang te neih loh ang talent a nei a ni. Ka sawi awmzia chu, ball a chan tawh chuan, a speed hmangin ball a control. A ke atang ball chu metre 2 a hla pawhin a chhuak lo, englai pawhin a keah a awm reng. Ball chhuh emaw um phak chu thil harsa tak a ni. He talent a neih an hi midang atangin ka la hmu ve ngai lo.
“Cristiano Ronaldo hi player dang a ni, an inang lo hle. A sang a, a chak a, engkimah a tling tlak. Engkim a ti thei, a lu, free kick, penalty hmang tein goal a khung thei vek.”
Mahse, ka tan chuan Messi hi mihring a ni lo, Cristiano Ronaldo erawh mihring zinga tha ber a ni.” tiin Gerard Pique chuan a sawi.
Source