Manchester City attacker Julian Alvarez chuan Lionel Messi leh Erling Haaland kianga a khelh avangin hmasawnna tamtak a hmuh thu a sawi chhuak. Alvarez leh Leo Messi hi Argentina lamah a teammate anni a, Manchester City lamah Erling Haaland nen dressing room khatah an awm bawk.
Hriat angin 2023 Ballon d’Or-ah Lionel Messi leh Erling Haaland hian pakhatna leh pahnihna dinhmun an hauh a. Tun dinhmunah khawvel player tha ber pahnih anni mek, an kianga khel ve ve Alvarez chuan a teammate ten hmasawnna nasa tak an pek thu a sawi chhuak.
“Haaland leh Messi kiangah i khel a, i training ve anih chuan player tha tak ilo ni ngei ang, thil tamtak i thiam belh anga. An kianga khelh theih chu mi tamtak duhthusam a ni ngei ang, an kiangah hian player leh a mimal tak ang pawhin ka thang chho nasa hle” tiin Alvarez chuan Yark Barker kal tlangin a sawi.
Argentina in 2022 FIFA World Cup nomawi an chawi tum khan Julian Alvarez hi Argentina player pawimawh tak pakhat a ni, match 7 a inlan atangin goal 4 lai a khung a, assist vawi khat a nei tling bawk. Alavarez leh Messi hi match 22 lai an khel dun tawh a ni.
Manchester City superstar Erling Haaland nen hian match 45 lai maiah an khel dun tawh a, Manchster City chu season hmasa khan an treble pui nghe nghe anih kha.